Foto: Ilustrasi Pangantan Madhure
Bakto Udin Epatabari Reng Bine'
Foto: Ilustrasi Pangantan Madhure
MEMOonline.co.id, Songennep- "Tang ana' banne gun cengkal ban masola. Tape seggut maelang dhari Roma," Saodda reng towana Udin ka tatanggana.
Tatangggana gun ngedingngagi serrona Reng towana Udin.
"Iya, na'-kana' kene' lakar biasa masola. Bila towa paggun ambu dibi'," oca'na tatanggana.
E Disa Toju'e Sampeyan. Badha settong na'-kana' se anyama Udin. Nyama lanjangnga : Udina Laleter. Tape oreng - oreng seggut ngolok kalaban Udin katembang Laleter.
Sajjegga ambu asakola. Udin ta' pathe betta badha e romana. Reng towana ta' bu-ambu agiggiri aba'na.
Udin paggun eareb budhi are bisa aoba daddi oreng se teppa'. Seang ban malem tadha' laen, Reng towana paggun mekkere ana'na.
Kabbi oreng lakar tao. Ce' molae lamba' ngabassagi kalakowanna Udin. Gun macaremmeddan.
Gulaggu bajana oreng alako. Aba'na tedung malekker. Seang bajana oreng laot. Aba'na abanjan ka lowar Roma.
Reng towana seggut atanya.
"Ba'na daddiya apa budhi are, Din?" "Daddi oreng," saodda Udin nalekana reng towana atanya.
"Mon paggun padha jarea. Ba'na bakal nyossae budhi are."
Udin ta' nyaot.
Katembang alajjane reng towana. Udin mele kalowar dhari romana. Tojjuwanna tadha' pole salaenna toju' e Barungnga Mat Suwir.
E barung jarea. Aba'na noro' ngedingngagi macemma oreng acareta. Molae parkara oreng bur-leburan, ponggaba pamarenta, kantos sossana oreng nyare pesse.
Mat Suwir se molae gella' emo' ngaddel biddang kaangguy oreng-oreng se messen kopi. Noro' ngedingngagi keya.
"Baramma kasus guru se etangkep polana bur-leburan moso tatanggana," oca'na Suwir.
"Ba'na edimma se tao ce' badha kadaddiyan padhana jarea, Wir," ca'na Mat Telleng.
"Dulemmanna rowa, badha oreng se acareta e dhinna'."
Mat Suwir, Mat Telleng ban Kippon. Tello' oreng jarea se paleng seggut adha-kandha e Barungnga Mat Suwir.
"Bhu, ba'na lebur keya ngedhingngagi careta padhana jarea, ya."
"Enja', Mon e dhinna'. Lakar kennenganna oreng abhanta parkara juba'. Hahaha ....."
Kakabbi se badha e Barung Pasha agella', kak-ngalakkak.
"Enja', tadha' pole lanjudanna. Cora'na epamare ebudhi."
Mat Suwir mesem ka Udin.
"Senga'. Mon akandha. Ce' pathe sem-ressem. Udin gi' ta' andhi' bine," ca'na Suwir.
Udin noro' mesem.
"Nape, ma' daging Baras ekapelo sebbut," saodda Udin.
Kabbi padha esseb sakejja'. Ta' abit. Badha pole se mokka' careta laenna.
Sacangker kopi se epessen Udin la eabi' eenom. Oreng-oreng se adha-kandha gi' ta' mare. Katonna caretana ta' ga'-pegga'.
Ta' ekarassa keya, Udin la para' tello ejjam se toju' e Barung jadiya.
"Din, engko' badha parlo ka ba'na?" Saodda Mat Suwir.
"Parlo apa, ma' katon ce' pentingnga," oca'na Udin.
"Engko' andhi' kennalan paraban. Mon ba'na enda'. Mara epatabara ka ba'na," saodda Mat Suwir.
Udin ta' nyaot.
"Ba'na pekker gallu. Pajijib onggu. Mon la kenceng. Daggi' epataowa ban ekennalagiya ka orengnga."
Udin ta' nyaot.
"Sejellas. Reya reng raddin. Oreng polo. Oreng towana la netteb e kottha."
Udin ta' nyaot.
"Mon ba'na kenceng. Nyaman. Sejellas. Babine' reya bisa esambi ka acara lok tellok otaba tok pettok."
Udin gun mesem.
"Padhana sapa orengnga."
"Dina atemmo bai. Kor ba'na kenceng onggu."
Mat Suwir ban Udin ajanji. Se kadhuwa bakal nantowagi bakto kaangguy ngabas reng bine' kasebbut.
(BERSAMBUNG) ....
Penulis :
THIS IS AN OPTIONAL
Technology
Dengan Konsep Pentahelix, Achmad Fauzi Siap Kembangkan Wisata Islami di Sumenep
MEMOonline.co.id, Sumenep- Calon Bupati nomor urut 02, Achmad Fauzi Wongsojudo, menggencarkan pengembangan wisata islami di Sumenep dengan pendekatan...
Komitmen Rawat Keberagaman, Achmad Fauzi: Jaga Harmoni Sumenep
MEMOonline.co.id, Sumenep- Kabupaten Sumenep, di ujung timur Pulau Madura, terus menjadi contoh harmonisasi keberagaman beragama di Indonesia. Bupati...
Terbaik Se-indonesia, Potensi Alam Sumenep Kembali Dipaparkan Achmad Fauzi pada Debat Pamungkas Pilkada
MEMOonline.co.id, Sumenep- Pasangan Calon (Paslon) Nomor urut 2 Achmad Fauzi Wongsojudo - Kiai Imam Hasyim (FAHAM) Tanggapi Pertanyaan Paslon Nomor...
Gus Fawait Ajak Masyarakat Jember Jadi Pemilih Cerdas Agar Pilkada Berjalan Aman, Damai dan Berkualitas
MEMOonline.co.id, Jember- Calon Bupati Jember nomor urut 2, Muhammad Fawait, mengajak masyarakat untuk menjadi pemilih cerdas demi mewujudkan Pilkada...
Nyata Rasakan Manfaat Program UHC, Keluarga Pasien di RSUD dr. H. Moh. Anwar Sumenep Doakan Fauzi Kembali Terpilih Bupati
MEMOonline.co.id, Sumenep- Program layanan kesehatan gratis Universal Health Coverage (UHC) yang dipelopori Bupati Achmad Fauzi terus mendapat...
Komentar